Noong Disyembre 15, 2023, ginanap sa 4th Floor Arzobispado Building ang Audience with Cardinal at MHC Christmas party na dinaluhan ng ilang Chaplain mula sa Association of Hospital Chaplains at mga Parish Lay Health Care Ministers mula sa iba’t-ibang Parokya at Bikaryato. Sinimulan ito sapamamagitan ng Pagdiriwang ng Banal na Misa. Matapos ay nagkaroon ng maikling programa tulad ng mga palaro at mensahe mula kay Fr. Gerardo Reyes, Chaplain ng San Juan de Dios Hospital at kay Sis. Adalia Mary Grace Dumantay, PLHCM ng St. Anthony of Padua Parish.
Ang naging highlights ng pagtitipong ito ay ang pagbibigay ng mensahe ng Kanyang Kabunyian Jose F. Cardinal Advincula, Arsobispo ng Maynila, para sa lahat ng miyembro ng RCAM-Ministry on Health Care. Matapos magbigay ng mensahe nagkaroon ng pagkakataon ang ilang grupo na makapagpakuha ng litrato kasama ang Cardinal.
Natapos ang programa sa pamamagitan ng sama-samang pag-awit ng awiting pamasko, pagbibigay ng munting handog sa lahat ng dumalo at nagbigay ng mensahe ng Pasasalamat si Fr. Manuel Abogado III, Minister ng Ministry on Health Care at pagbabasbas sa lahat ng nakiisa.
